கோவை: வீட்டின் கதவை உடைத்து ரூ. 8, 000 திருட்டு

பெரியநாயக்கன்பாளையத்தை அடுத்துள்ள காளிபாளையம் கோமாளி அரங்கன் கோவில் வீதி கவுதம் கார்டன் பகுதியைச் சேர்ந்த கார்த்திக் (36) என்பவரது வீட்டில் பூட்டை உடைத்து ரூ. 8,000 திருடப்பட்டுள்ளது. தனியார் நிறுவன ஊழியரான கார்த்திக், தனது குடும்பத்தினருடன் வெளியூர் சென்றிருந்தார். நேற்று முன்தினம் இரவு வீடு திரும்பியபோது, வீட்டின் பூட்டு உடைக்கப்பட்டிருப்பதைக் கண்டு அதிர்ச்சியடைந்தார். உள்ளே சென்று பார்த்தபோது பீரோ உடைக்கப்பட்டு அதிலிருந்து ரூ. 8, 0008,000 திருடப்பட்டிருந்தது தெரியவந்தது. இதுகுறித்து கார்த்திக் பெரியநாயக்கன்பாளையம் காவல் நிலையத்தில் நேற்று புகார் அளித்துள்ளார். புகாரின் அடிப்படையில் போலீசார் வழக்குப்பதிவு செய்து விசாரணை நடத்தி வருகின்றனர்.