ஆஸ்திரேலிய ஓபன் டென்னிஸ்: இறுதிப்போட்டிக்கு முன்னேறிய அரினா சபலென்கா

ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. இந்த தொடரில் மகளிர் ஒற்றையர் பிரிவு அரையிறுதி ஆட்டம் இன்று (ஜன.23) நடைபெற்றது. இதில், முன்னணி வீராங்கனையான அரினா சபலென்கா (பெலாரஸ்) - ஸ்பெயினின் பாலா படோசா உடன் மோதினார். ஆரம்பம் முதலே பரபரப்பாக நடந்துவந்த இந்த ஆட்டத்தில், சிறப்பாக விளையாடிய அரினா சபலென்கா 6-4, 6-2 என்ற கணக்கில் வெற்றி பெற்றார். இதனால் அவர் இறுதிப் போட்டிக்கு முன்னேறியுள்ளார்.