மக்கள் குறைதீர் கூட்டம்: 500 மனுக்கள் குவிந்தன

அரியலூர் மாவட்ட ஆட்சியர் வளாகத்தில்
மக்கள் குறைதீர்க்கும் நாள் கூட்டம் மாவட்ட ஆட்சித்தலைவர்
திரு. பொ. இரத்தினசாமி, தலைமையில் நடைபெற்றது.
இக்கூட்டத்தில், முதியோர் உதவித் தொகை, இலவச வீட்டு மனைப்பட்டா, மாற்றுத்திறனாளி உதவித்தொகை, தொழில்கடன், பசுமை வீடு உள்ளிட்ட பல்வேறு கோரிக்கைகள் அடங்கிய 500 மனுக்கள் பொதுமக்களிடமிருந்து மாவட்ட ஆட்சித்தலைவர் அவர்களால் பெறப்பட்டு, இம்மனுக்கள் மீது சம்மந்தப்பட்ட துறை அலுவலர்கள் உடனடி நடவடிக்கைகள் மேற்கொள்ளுமாறு அறிவுறுத்தப்பட்டது.
தொடர்ந்து, கூட்டுறவுத்துறையின் மூலம், கீழப்பழுவூர் தொடக்க வேளாண்மை கூட்டுறவு கடன் சங்கத்தின் சார்பில், 05 பயனாளிகளுக்கு ரூ. 4, 05, 450 மதிப்பில் பயிர் கடனுதவிகளை மாவட்ட ஆட்சித்தலைவர் திரு. பொ. இரத்தினசாமி, வழங்கினார். இக்கூட்டத்தில் மாவட்ட வருவாய் அலுவலர் மரு. ம. ச. கலைவாணி, மாவட்ட ஊரக வளர்ச்சி முகமை திட்ட இயக்குநர் திருமதி. கங்காதாரிணி, கூட்டுறவுத்துறை மண்டல இணைப்பதிவாளர் திருமதி. தீபாசங்கரி மற்றும் அனைத்துதுறை அரசு அலுவலர்கள் கலந்துகொண்டனர்.