కొయ్యూరు.. దుర్గమ్మకు బోనాలు సమర్పించిన భక్తులు

కొయ్యూరు లో గురువారం కనకదుర్గమ్మకు భక్తులు బతుకమ్మ ఆటపాటలతో బోనాలు సమర్పించారు. దేవి నవరాత్రులలో 8వ రోజు దుర్గమ్మ అవతారంలో అమ్మవారి భక్తులకు దర్శనం ఇచ్చారు. ఈ సందర్భంగా అధిక సంఖ్యలో మహిళలు భవాని భక్తులు బతుకమ్మ ఆటపాటలతో సందడి చేశారు. భక్తిశ్రద్ధలతో దుర్గమ్మకు బోనాలు సమర్పించారు. అలాగే సమీప ప్రభుత్వ ఉన్నత పాఠశాల మైదానంలో పడిపూజ కార్యక్రమాన్ని భవాని మాల ధారణ భక్తులు కన్నుల పండుగగా నిర్వహించారు.