విశాఖ: గ్రంథాలయానికి పుస్తకాల వితరణ

జివిఎంసి 97వ వార్డు సుజాతనగర్‌కు చెందిన బలివాడ కృష్ణప్రియ, శ్రీనివాసరావు, యశ్వంత్‌ కుటుంబ సభ్యులు గురువారం పెందుర్తి శాఖా గ్రంథాలయానికి పలు పుస్తకాలను వితరణగా అందజేశారు. నవలలు సాహిత్యం, పోటీ పరీక్షలకు సంబంధించిన వివిధ పుస్తకాలను స్థానిక లైబ్రేరియన్‌ సూర్యకళకు అందజేశారు. విద్యార్థులు, నిరుద్యోగులు, ఇతర పాఠకులకు ఉపయోగపడతాయనే ఉద్దేశ్యంతోనే పుస్తకాలను అందజేశామని, వాటిని సద్వినియోగ పరచాలని వారు కోరారు.