ద్విచక్ర వాహనం ఢీకొని బాలుడు మృతి

ద్విచక్ర వాహనం ఢీకొని బాలుడు మృతి చెందిన సంఘటన గిద్దలూరు మండలం చట్రెడ్డిపల్లి వద్ద ఆదివారం జరిగింది. పొలానికి వెళ్లి వస్తున్న నిరంజన్ ను ద్విచక్ర వాహనం ఢీ కొట్టింది. బాలుడికి తీవ్ర గాయాలు కావడంతో కుటుంబ సభ్యులు స్థానిక ప్రభుత్వ ఆసుపత్రికి తరలించారు. పరిస్థితి విషమంగా ఉందని వైద్యులు చెప్పడంతో పట్టణంలోని ప్రైవేట్ వైద్యశాలకు తరలించారు. బాలుడిని పరీక్షించి అప్పటికే మృతి చెందినట్లుగా వైద్యులు తెలిపారు.