మద్దిపాడు: గల్లంతైన వ్యక్తి మృతదేహం లభ్యం

గుండ్లకమ్మ వాగులో గల్లంతైన యువకుడి మృతదేహం శనివారం లభ్యమయింది. మద్దిపాడు మండలం దాచవారిపాలెం గ్రామంలో గుండ్లకమ్మ వాగులో బ్రహ్మనాయుడు అనే యువకుడు ఈనెల 17వ తేదీన తన స్నేహితులతో కలిసి పడవలో ప్రయాణిస్తున్నాడు. కాగా నదిలో ప్రవాహం తాకిడికి పడవ బోల్తాపడటంతో బ్రహ్మనాయుడు గల్లంతయ్యాడు. రెండు రోజులుగా బ్రహ్మనాయుడు కోసం గాలించగా శనివారం అతడి మృతదేహం లభ్యమైనట్లుగా అధికారులు తెలిపారు.