రాజానగరం: నేటి నుంచి అంతర్ జిల్లాల హ్యాండ్‌బాల్ పోటీలు
ఏపీ పాఠశాల విద్యాశాఖ ఆధ్వర్యంలో దివాన్ చెరువులోని శ్రీ ప్రకాష్ విద్యానికేతన్‌లో 68వ ఆంధ్రప్రదేశ్ అంతర్ జిల్లాల ఎస్జీఎఫ్ హ్యాండ్ బాల్ పోటీలు సోమవారం నుంచి ప్రారంభం కానున్నాయి. ఉదయం 10 గంటలకు పోటీలు ప్రారంభమవుతాయని పాఠశాల క్రీడా సమాఖ్య, జిల్లా ఛైర్మన్, కలెక్టర్ ప్రశాంతి ఆదివారం తెలిపారు. బాలుర అండర్- 17 విభాగంలో 3 రోజులు పోటీలు జరుగుతాయన్నారు. ఈ పోటీల్లో మంత్రి దుర్గేష్, ఎంపీలు పాల్గొంటారన్నారు.
