రాజా నగరం: పేకాట శిబిరంపై దాడి.. నలుగురు అరెస్ట్

సీతా నగరం మండలంలోని రఘుదేవపురం గ్రామంలో చెరువు వద్ద ఉన్న పొగాకు బేరన్ లో పేకాట శిబిరం నిర్వహిస్తున్నట్టు సమాచారం అందడంతో పోలీసులు మంగళవారం ఆకస్మిక దాడి చేశారు. ఈ దాడిలో పేకాట ఆడుతున్న నలుగురు వ్యక్తులను పోలీసులు అరెస్టు చేశారు. వారి నుంచి పేకలు, రూ. 6, 280 నగదును స్వాధీనం చేసుకున్నారు. నిందితులపై కేసు నమోదు చేసి కోర్టులో హాజరుపరుస్తామని ఎస్ఐ రామ్ కుమార్ తెలిపారు.