అనపర్తి మండలంలో చోరీలకు పాల్పడిన వ్యక్తి అరెస్ట్

ఆనపర్తి మండలంలో పలు చోరీలకు పాల్పడిన వ్యక్తిని అరెస్టు చేసినట్లు సీఐ సుమంత్, ఎస్సై శ్రీను నాయక్ సోమవారం తెలిపారు. సెప్టెంబరు 28న అనపర్తి, ఈ నెల10న కుతుకులూరులో చోరీలకు పాల్పడిన వెదురుపాక కి చెందిన శివశంకర్ అనే వ్యక్తిని అరెస్టు చేశామన్నారు. చోరీ చేసిన 211 గ్రాముల వెండి వస్తువులు, 12 గ్రాముల బంగారు ఆభరణాలను స్వాధీనం చేసుకుని నిందితుణ్ని అనపర్తి కోర్టులో హాజరు పరచగా రిమాండ్ విధించారని తెలిపారు.