పిఠాపురంలో 88 కిలోల గంజాయి స్వాధీనం

అల్లూరి సీతారామరాజు జిల్లా చింతపల్లి నుంచి పిఠాపురం మీదుగా కాకినాడకు అక్రమంగా గంజాయి తరలిస్తున్నట్లు పోలీసులు గుర్తించారు. ఈ ఘటనలో మొగిలి మనికంటరాజు, గబులంగి మునిరాజు, కొర్రా రాము, మామిడి సన్యాసిరాజును పిఠాపురం పోలీసులు సోమవారం అరెస్టు చేశారు. వారి నుంచి సుమారు 88 కిలోల గంజాయి, బజాజ్ పాసింజర్ ఆటో, పల్సర్ మోటార్ బైక్ స్వాధీనం చేసుకున్నామని సీఐ జి. శ్రీనివాస్, ఎస్ఐ మణికుమార్ తెలిపారు.