కొత్తపేట: పోలీసు అమరవీరుల త్యాగం స్ఫూర్తిదాయకం

శాంతి భద్రతల పరిరక్షణలో అమరులైన పోలీసుల త్యాగం స్ఫూర్తిదాయకమని డిగ్రీ కళాశాల ప్రిన్సిపల్ డాక్టర్ కె పి రాజు అన్నారు. కొత్తపేట వి కె వి ప్రభుత్వ డిగ్రీ కళాశాలలో సోమవారం పోలీసు అమరవీరుల దినోత్సవం ఘనంగా నిర్వహించారు. ముందుగా పోలీసు అమరవీరుల చిత్రపటానికి ప్రిన్సిపాల్ రాజు పూలమాలలు వేసి నివాళు లర్పించారు. అనంతరం పోలీసు అమరవీరులకు జోహార్లు అర్పిస్తూ ర్యాలీ నిర్వహించారు.