కొత్తపేట: ప్రతి విద్యార్థికి పుస్తకం మంచి నేస్తం కావాలి

ప్రతి విద్యార్థికి పుస్తకం మంచి నేస్తం కావాలని, పుస్తకంతో చెలిమి చేస్తే ఉన్నత శిఖరాలకు చేరుకుంటారని కొత్తపేట ప్రభుత్వ డిగ్రీ కళాశాల ప్రిన్సిపాల్ డాక్టర్ కెపి రాజు అన్నారు. 57వ జాతీయ గ్రంథాలయ వారోత్సవాలు ముగింపు సందర్భంగా బుధవారం స్థానిక కళాశాలలో ఏర్పాటు చేసిన కార్యక్రమంలో ఆయన మాట్లాడారు. అనంతరం వివిధ పోటీలలో గెలుపొందిన విద్యార్థులకు బహుమతులను, సర్టిఫికెట్లను అందజేశారు.