అనపర్తి: వైభవంగా అయ్యప్ప స్వామి పడిపూజ

అనపర్తి మండలం కొప్పవరంలో అయ్యప్పస్వామి పడిపూజ మహోత్సవరం గురువారం రాత్రి వైభవంగా నిర్వహించారు. పోతంశెట్టి ఈశ్వరరెడ్డి, పోతంశెట్టి గంగిరెడ్డిల ఆధ్వర్యంలో సుమారు 1000మంది అయ్యప్ప మాలదీక్షదారులు పాల్గొని మణికంఠుడిని ఆరాధించారు. అయ్యప్పస్వామికి పంచామృతాలతో అభిషేకం నిర్వహించారు. స్వామిని స్మరిస్తూ భజన కీర్తనలు పాడారు. 18 పడిమెట్లకు పూజలు చేశారు. అనంతరం స్వామివారి తీర్థ ప్రసాదాలను స్వీకరించారు.