చింతపల్లిలో గిరిజనుడిపై గుర్తుతెలియని దుండగుల దాడి
చింతపల్లి మండలం చెరువూరు గ్రామానికి చెందిన రవి శుక్రవారం ఒరిస్సాలోని చిత్రకొండ మండలం పరిధిలోని డోలియం గ్రామంలో తన చెల్లలి యోగక్షేమాలు చూసేందుకు చుట్టం చూపుగా వెళ్ళాడు. శనివారం జనతాబై వారపు సంతలో నిత్యవసర సరుకులు తీసుకుని స్వగ్రామానికి వస్తుండగా గుర్తు తెలియని దుండగులు బాణందూళి గ్రామం వద్ద గొడ్డలి, కత్తులతో తీవ్రంగా దాడి చేయగా అపస్మారకస్థితిలోకి వెళ్ళాడు. అటుగా వెళ్లే ప్రయాణికులు చూసి ఆసుపత్రికి తరలించారు.
